Әр оқушы диагностикадан өтіп, өз деңгейіне сәйкес топқа бөлінеді. Бұл оқуға барынша қолайлы жағдай жасап, оқу материалын меңгеруді жеңілдетеді және ҰБТ-дан жоғары нәтиже көрсетуге мүмкіндік береді.

Біздің орталықта тәжірибелі ұстаздар сабақ береді. Олар – ҰБТ тест базасын құрастырушылар, апелляциялық комиссия мүшелері және оқу құралдарының авторлары. Барлық мұғалімдердің көп жылдық тәжірибесі бар және ҰБТ-ға дайындау саласында жұмыс істейді.

Біздің ұстаздар ҰБТ-ға дайындықтың өзіндік бірегей технологиясын әзірледі, ол оқушылардың біліміндегі олқылықтарды дәл әрі жүйелі түрде жоюға бағытталған. Сабақтар күн сайын 1,5 сағатқа созылады және диагностикаға негізделген түзету жұмыстарымен аяқталады.

Бейіндік пәндерін әлі таңдап үлгермеген оқушылар кәсіби бағдар беру маманынан кеңес ала алады. Сондай-ақ, Алматының жетекші жоғары оқу орындарының қатысуымен әртүрлі мамандықтармен танысу мүмкіндігі қарастырылған.

Кәсіби тренерлер ай сайын оқушыларға мотивацияны арттыру, ҰБТ-ға байланысты стресс пен үрейден арылу, дайындық пен тестілеу барысында уақытты тиімді пайдалану, зейін қою және есте сақтау қабілетін жақсарту дағдылары бойынша тренингтер өткізеді.

Біздің оқушылар әр ай сайын ҰБТ өткізу пункттерінде компьютерлік форматта және жоғары оқу орындарында қағаз форматында Ұлттық тестілеу орталығының ресми материалдарымен сынақ тест тапсырады. Алынған нәтижелер талданып, педагогикалық кеңесте оқу үдерісіндегі олқылықтарды жою бойынша шешімдер қабылданады.

Оқу жылы барысында орталық қызметкерлері ата-аналармен тығыз байланыста болып, оқу үдерісінің ерекшеліктерімен және оқытушылармен таныстырып, оқушының сабаққа қатысуы мен аралық нәтижелері туралы ақпарат беріп отырады.

Орталықта жылдық оқу курсын аяқтаған оқушыларға Алматының үздік жоғары оқу орындарында оқу ақысына жеңілдік алу құқығын беретін сертификат табысталады. Сондай-ақ, серіктес жоғары оқу орындары жыл сайын біздің орталыққа ішкі гранттар бөледі, оны UNIDEM оқушылары біздің Олимпиадамызға қатысу арқылы жеңіп ала алады.